排隊排隊再排隊，
香港人不知在哪時開始愛上排隊，
買演唱會飛排隊，
食OPENRICE勁多笑臉既餐廳排隊，
買Jenny Bakery排隊，
總之唔排就唔安落，
食餐飯去一風堂， 一蘭要排上個半鐘或以上，
同朋友有傾有笑都還可以（不代表+Break立場），
極無耐性如+Break是一定不會排隊。
無論那是多麼的出名的一間餐廳，
出名餐廳侍應：“小姐，黎緊BOOKING會喺2014年6月後，有無問題？“
+Break：“嘩！要等咁耐！好啦好啦，咁幫我BOOK。。。。。”
那怕有多喜愛陳奕迅，楊千嬅，
寧願不看也不會去排隊買飛。
可以說我喜愛的程度還未夠，
但+Break喜歡的東西多的是！呵呵～
就算唔去食排長龍的好好味餐廳，
我深信我也會吃到一間不用排隊的好好味餐廳！
今次難得相約到一班好姊妹星期六一齊去HIGHTEA，
本來想試的好幾間不是FULL BOOKING，
就是要排隊。
既然約好難得旳一天，
排隊是在所難免，友人就選了HOTEL ICON的GREEN。
不過今次朋友竟然錯有錯著，
令到我地一班姊妹可以飛快入座！
友人：“你地快D過黎啦，有件好神奇既事呀！”
+Break：“黎緊啦，黎緊啦，過埋條馬路就到，三十秒。”
+Break：“嘩！乜條龍已經咁長！你都係岩岩黎咋喎，咁前既！”
友人笑笑口說：“頭先我一黎到仲未有人排隊架，呢度全部櫈坐滿晒人，我見無位坐咪企係度囉（近櫃位位置），企左一陣個侍應就開始拉繩，D人就開始行埋黎排係我後面，咁我就變左排第二啦！係咪好神奇呀！”
+Break：“嘩！有無咁好彩呀！好野唔駛排咁耐！睇定食咩先～”
差不多三時正，侍應小姐問我們想坐那些位置，
我們見到梳化很舒服又新潮，
當然二話不說坐梳化。
這裡樓底夠高，有落地大玻璃
牆身又是種滿綠色植物。
空間感亦足夠，
果然乎合餐廳名字﹣夠GREEN。
這裡有個很大的BAR台和蛋糕櫃，
有CUPCAKE也有CHEESECAKE，
由於一直也覺得CUPCAKE好睇唔好食，
所以選了外表也同樣討好的三款芝士蛋糕。
分別有士多啤梨，朱古力同芒果。
水果芝士蛋糕保留到水果的鮮果味，
軟綿的口感加上外邊一層薄薄的果醬，
細膩香滑，加上一口咖啡PERFECT！
朱古力當然亦不會失手，
朱古力味濃郁，
中間還夾了一層朱古力脆脆增力口感。
我們一行六人點了兩個Tea Set再加兩杯咖啡。
白色三層架的放滿甜甜的蛋糕，
三層架設計“的式”，
令人感到蛋糕的分量很多：）
咸點則放在一個長長的白色盤子上。
先試試HIGHTEA不可缺少的SCONE。
這裡的SCONE比坊間的細三分一，
而且不是熱烘烘，
反而用在鬆餅上的果醬做得比較出色，
我最喜歡的CLOTTED CREAM亦很香滑，
不過只嫌瓶子太細，
可以的話我很想貪心地拿回家：P
三文魚脆餅很大方，
因為三文魚是厚切不再是比方包夾住，
它可以很肥美地呈現出來！
而甜點較為特別的是這兩款以雞蛋殼造型的布甸，
白色蛋殼是綠茶，
黑色是朱古力，
我們圍內亦是不太喜歡綠茶，
好人侍應把其中一杯換成了朱古力味：）
GREEN的甜品種類算是多，
有不同的款式，不同的味道，不同的吃法。
最令我驚喜的竟然是大家都認為太甜的朱古力，
本來我也認為會是甜到漏的朱古力磚，
大家有傾有講，
不知不覺間我拿起了朱古力放住口裡，
一咬開，裡面原來是軟心朱古力，
味道帶些少苦澀味，
剛剛中和了外面的那一層甜甜的外表。
我鼓勵姊妹們一試，
有些已經吃的飽飽，
有些也拿起一粒嘗試，
亦覺得有驚喜～
今次的下午茶水準不過不失，
老土D都要講句，醉翁之意確不在酒，
只在乎三五知己飲杯咖啡是也～
大家說笑談天，
味道還是其次，
最重要還是對像是誰。
要排隊，偶爾一次便好了。。。
揾食：尖沙咀科學館道17號唯港薈地下（HOTEL ICON地下）
電話：34001300
沒有留言:
張貼留言