有真係糯米雞的名人私房菜

又到左名人飯局既時間喇～

哈哈，係去左名人私房菜至岩～

今次＋Break好友請＋Break吃生日飯，

食大家都好鍾意既私房菜。

今次這間名人私房菜名符其實位於一個大單位內，

兩個房間分別是兩包廳，

裡面有一張可以坐十二人的大圓枱和一部大電視，

廳外則放有一張大員枱，

即是一晚可以做三枱客。 

我地好好彩有包廳，

可以在房無王管高聲談話！

開飯前當然要先飲湯，

大白菜豬肺湯是我家母親大人都好喜歡煲的老火湯，

大白菜清甜亦夠火喉～ 

打頭陣的有師傅為我們安排的表演！

“登登登登”﹣﹣火燄大蝦！

把大蝦完全浸沒在花雕酒裡，

師傅一點火就把盤子裡的大蝦紅紅的燒起來，

有點像火燄雪山！

大概三至五分鐘左友就把大蝦完全燒熟，

變得橙橙紅紅，

未吃已經聞到濃濃的酒香味，

夾起來先連殼啜一口，

酒香加上大蝦的鮮甜已經令人食指大動。

蝦肉鮮甜彈牙，即使只有花雕作調味，

不需加入任何豉油醬料也令人食到LAM LAM 脷。

再來的是每間私房菜都會有的花雕蛋白蒸蟹，

蛋白是蒸得滑，

蟹亦鮮甜，

但還是和龍泉私房菜一樣，

欠了一份花雕酒濃郁的咸香味。

來了來了！今次私房菜重點介紹是這隻真珠都無咁真既糯米雞 ！

用荷葉包住一隻大雞，

內裡包有滿滿的糯米飯，

糯米飯裡有粒粒香菇吊味，

師傅會在你面前切開塞滿糯米飯的大雞，

再曬上花生和䓤花！

糯米飯香軟鬆化，

呢隻真係雞包糯米的糯米雞，

色香味俱全！

清蒸鮑魚仔

不是我杯茶，

因為鮑魚沒有什麼味道，

只靠豉油吊味。

由於朋友不喜歡吃魚（食魚變靚D呀：P），

所以轉了這個南乳豬手，

香脆可口，肥美夠晒骨膠原～

尤其是個南乳汁，

夠香夠濃味，

而且還加入了花雕酒！

比那個蒸蟹更加出色！

蘋果咕嚕肉，

以為平平無奇的咕嚕肉，

今配上蘋果做佐料，

爽口又甜，

另外咕嚕肉用上里脊肉，

沒有骨啖啖肉，而且外層還是脆脆的。

最後上的這道京醬帶子花枝片蜜糖豆，

使我覺得有點衰收尾的感覺，

味道太咸，而且帶子和花枝片除了咸之外沒有什麼味道，

其實清炒帶子花枝片蜜糖豆已經很好吃，

希望會有所改善吧！

甜品有雪耳雪梨糖水和朋友送給+Break 的杧果流心蛋糕，

又食到飽飽返屋企啦！

P。S。這裡是＄270一人免加一，

而且汽水任飲～當然都係果句，問清楚穏陣D。

如果有不吃的食物可以問問主持人可轉換其他菜式～

揾食：尖沙咀漢口道宜昌街漢光大廈3樓C（奇華餅家對面）
電話：51197430