情迷CHOCOHOLIC

 

每晚食完飯再找個地方食甜品係指定動作，

有日朋友話：‘我尋日去左中環食飯，之後去左間食朱古力甜品既舖頭，食完好開心呀～’

我好興𡚒問：‘咁正，但每次食飯都食到勁飽，次次都食唔落既。。。’

朋友：‘（漠視我既說話）果度氣氛都好正，細細間，而且都係朱古力為主～’

我簡單回答：‘好呀，咁下次去中環食完飯去試下係咪咁正～’

朋友勁興𡚒：‘好呀，不如我地聽日去中環食飯丫，我帶你地過去～’

我呆了：‘吓，你尋日先食完，聽日又想食呀？’

朋友話：‘係呀，去幾多次都唔會厭，因為果度真係好正架。’

講真，我地幾鍾意過中環食飯。

一來比較少過海，

二來西餐選擇多，

三來就算食完飯唔想食甜品，

求其揾間BAR繼續坐低飲杯野吹水都仲得。

有次放工時間六點幾，

係中環等朋友收工行過荷李活道，

有間餐廰寫住5﹣8PM HAPPY HOUR，

全部飲品＄38，坐左兩個幾鐘都係38＋1，

真係好抵。

  

今次呢間西式甜品店價錢是比較高，

但環境及甜品質素係絕對值回票價。

就算你是捧著飽飽的肚子來到CHOCOHOLIC，

都不能抗拒朱古力在呼喚你。

朱古力店並不起眼，

以黑色，啡色為主，

只有頭頂的帳蓬頂才寫有“CHOCOHOLIC”的店名。

裡頭只有三至四張小枱，

剛好每次去到都有位置。

內裡的氣氛很好，

因為只有微微的燈光加上枱面的小臘燭。

與其說是氣氛好，

不如說是好昏暗，

好似睇戲未開場的半燈光狀態。

坐久了，會有種去了外太空的感覺，

以為自已去了異度空間。

看餐牌也是靠著枱頭的小臘燭。

 

這裡主打朱古力，好多花款，

而且每款都好吸引，

就先來一客CREPE吧。

BANANA & CHOCOLATE CREPE WITH VANILLA ICE CREAM，

朱古力和香蕉完全是天生一對金童玉女。

誰也不會搶了誰的風頭。

薄薄的PANCAKE皮包著朱古力醬和香蕉，

連埋雪糕一齊食係甜度適中。

吃完一款熱熱身，

SUNDAE BROWNIE就要出場了

BROWNIE係我既至愛，

因為我好鍾意食BROWNIE，

這裡的SUNDAE BROWNIE有一舊2吋X 2吋的BROWNIE，

BROWNIE的濕度適中，

軟軟的不會過硬。

加上兩球雲尼拿雪糕。

喜歡的可以再加上朱古力醬，

味道更濃更好吃。

之後再來CHOCOLATE CHEESE CAKE，

上下兩塊的朱古力蛋糕唔錯，

有少少似BROWNIE，但較乾身，

只嫌中間的那層芝士蛋糕不夠濃郁的芝士味，

好彩朱古力的味道撘夠！

之後來的CHOCOLATE VOLCANO應該是甜品之后。

無論那一間甜品舖都一定有的款式。

外脆的朱古力蛋糕加上內裡暖暖的朱古力醬，

再配上傳統雲尼拿味的雪糕，

很難找到不好吃的理由！

好滿足咁入到CHOCOHOLIC，

再好滿足咁離開CHOCOHOLIC，

平時食到好滿足已經唔想再諗起食，

但離開CHOCOHOLIC，

會有種依然好想再食，

依然好期待下次再黎既心情。

好滿足咁為一天劃上完美既句號～

揾食：中環卑利街57號地下
電話：2858 8760