唔食萬寶路，食紅雙囍

 

有日問起同事中環有什麼餐廳好介紹，

他說“食紅雙囍啦，中菜黎架，我成日都去，D野食唔係貴又好味”

一聽這個名覺得好有趣，

一來可能是因為紅雙囍是一隻煙的牌子，

（但其實跟本唔關煙事。。。。）

另外在中環西餐的確吃得多，

要數中餐我可不是經常想到在中環吃。

店子外有一個好似舊時“囍“字火柴盒造型的招牌燈箱，

門面很有中國特色，

全落地玻璃加上深啡色的木邊，

從街外可以望到餐廳裡面的全部間隔。

我們去的那天因為是星期六，

因為人不多（中環平日先會多人）

所以可以揀位坐，

我地揀了近門口可以望街的四人台，

旁邊有一組很有特色的陳列架，

分兩層，上層是放有嫁囍時要用的用品，

有椰子啦，敬茶用既杯，大燈籠，還很多“囍“字裝飾品，

下層是懷舊玩具，有波子棋，益智考腦筋玩具，扭計“色“，

店內亦以經色為主以及掛有很多“囍“字的刺繡掛畫，

所以所謂紅雙囍和煙並無關係。。。（由頭到尾都只是自己一相情願咁諗）

紅雙囍尤如其名，跟本就很有嫁喜的感覺麻。。。

這裡除了裝修夠特色外的

用來盛載食物的器皿亦十分有心思，

碗碟是用紅公雞

合桃放在一個小蒸籠裡面，

筷子上的壓紋圖案亦和嫁喜有關。

本身好喜愛餐前小吃，

貪它夠細碟，又可以試多幾樣款色：P

有把兩款有爽脆口感放在一起的萵筍海哲頭

溏心靚皮蛋的酸薑皮蛋，

薺菜腐皮百頁卷，

香煎鍋貼的肉饀也是薺菜加豬肉，

薺菜是上海菜很常見的一種蔬菜，

會用於包餃子或是做菜肉包饀，

它不像其他蔬菜有的鮮甜味，

它本身有一種草青加苦澀味，

就算你點醋或醬油吃，

都會吃得出薺菜本身的味道。

還有帶有紹興酒味的醉中蝦。

等吃的時候，小吃不是現成的有衣咸花生，

或者是酸羅白青瓜，

而是要自己動手去殼的原粒合桃。

主菜好有家常菜既FEEL，

咸香味蝦乾四季豆，

少味精帶子蝦仁鮮露筍，

醬油豆豉爆雞。

我家老媽子都好喜愛整呢幾款。

 

開心大發現：

每次吃完飯後都會先去洗手間，

這店的洗手間也佈置得與店內一樣，

小小的空間內以紅色為主色有洗面盤，小屏風，痰盂仔，舊鐵板玩具。。。

還有一個小小的POST CARD架，

有著不同單位設計的POSTCARD給客人取走。

紅雙囍果然有外表也有內涵，好過食萬寶路啦～

搵食 ： 中環蘇豪士丹頓街48號地下
電話 ： 2549 1862