海鮮當道～龍泉私房菜

我地班FRIEND圍內都幾鍾意食私房菜，

原因係菜式夠特別，

不會是大量制作的COPY菜式，

而且全部都是手工菜，花時間和技巧，

再且都是開在單位內，

位置圍數人手始終有限，

得出來的結果是唔會差得去邊！

而且還會令人有驚喜！

私房菜多數是6位起，

所以一班FRIEND是絕對岩岩好湊夠人數！

不過今次這間私房菜有些不同，

雖然都是以樓上單位形式開設，

但地方比較大，有兩個以上的單位，

所以可以容納的圍數亦較多。

而菜單方面亦比較多元化，

有二人至十二人以上的菜單，

每款菜單的菜式亦略有不同，

不會像其他私房菜因為未必會有新菜式，

你或者會等一排才會再光顧，

但龍泉是可以令你“下次我要試呢款”的感覺的私房菜。

但我卻覺得少了一份神袐感和住家FEEL。

私房菜大都是跟人頭計，

今次我們這款菜單是＄258，共八人一張大圓枱。

加送紅酒一支。

等呀等～由味道以鮮味為主的海鮮開始！

先來花雕蛋白蒸海蟹～

兩大隻海蟹滿滿的舖滿在蛋白上，

海蟹味鮮肉甜，沒有被花雕味搶風頭，

因為我略嫌花雕味不夠濃郁，

蛋白雖滑，但都不禁令我拿起大班樓的花雕蒸蟹來做比較！

再來的是金銀蒜粉絲燕扇貝。

海鮮的而且確以燕或灼最原汁原味！

金銀蒜是以生蒜和熟蒜加上粉絲舖滿扇貝上蒸，

最後𣺉上自家制的蒸煮鼓油，

扇貝的裙邊不會似橡筋，

很輕易便可以𡁻爛！

而主角圓圓的扇貝肉心就很多汁鮮甜。

朋友食中了一隻全橙色的扇貝！

大鄉里的我從來未見過！

朋友真係好好彩！：）

海鮮當然除了蒸煮之外，

還可以煎炒煮炸啦！

吃完蒸煮海鮮，

就有招牌三色蝦！

是以咸蛋黃大蝦，豉油王煎大蝦和醬爆芝士蝦丸組成。

最特別的是醬爆芝士蝦丸

香口彈牙，內裡的芝士味濃郁。

好似去飲咁，今晚都有魚翅坐陣。

生拆蟹肉扒金山勾翅，

其實對魚翅無乜好感，

一來影響生態環境，

二來魚翅本身無什麼特別味道，

都是靠調味料加入湯羹之中。

魚翅只可以說是吃口感。

 朋友又吃中一大排魚翅，

我笑說好似沙田柚：）

有魚翅當然也少不了鮑魚，

原隻鮑魚扣山珍海味。

鮑魚又是一種我覺得好難入味的食物，

每次吃 都只是得外表，

內裡味道欠奉。

今次這隻勉強過關.

反而我喜歡冬菇和花膠比較多，

入味多汁炆得軟腍，

加上無乜味既小棠菜（我不喜歡小棠菜，因為太大陣草青味）

食完即刻覺得骨膠原返晒黎：）

食左咁多好野，

清清地有個瑤柱扒西蘭花，

但個人覺得瑤柱扒豆苗會比較好味～

 

真係好似去飲咁，

最後有清蒸游水海斑以及天下第一雞。

天下第一雞是芝麻雞，加上自家制沙薑一小碟，

外皮香脆，沙薑惹味，

我還要再多要一小碟沙薑繼續吃～

食完雞最後當然是炒飯和精美的忙果布甸，

但我不喜歡這個布甸，

因為全都是大菜糕來煮，

口感得個爽字， 一點布甸的香滑都沒有！

 

因為朋友生日，

吃到飽飽之後還有龍堡的拿破倫蛋糕做結尾，

食到反肚＠。＠

今餐吃盡鮑參翅肚，上天下海都吃均了都只是＄258一人！

龍泉私房菜一定會再ENCORE！

P。S。吃飯途中，友人太口渴要了兩罐可樂，

最後埋單發現沒有把可樂計算在內，

滿心歡喜以為計少左，

之後友人再去食，

原來汽水任飲＠。＠

不過還是開口問一聲比較隱陣：）

揾食：尖沙咀彌敦道83﹣97號華源大廈15樓B4室及16樓B1室
電話：60831933