茶餐廳有雞蛋仔賣

源自北角的利強記雞蛋仔出名出到出九龍同新界，
自此很多人認為要食雞蛋仔一定要食利強記，
尖沙咀，將軍澳，元朗都可以找到利強記的蹤影。
出名又有保證，而且邊一區都有一間在左近！
但我卻只吃過兩次，
一次是在十年前剛出名的時候在北角吃，
又一次是利強記剛在尖沙咀山林道則開店的時候吃，
食雞蛋仔食到拎籌，
就好似買雞一樣，

“一底雞蛋仔丫唔該！”

“十二蚊丫～”

比錢，人家派個雞牌比你等。
我好怕排隊，要排隊我寧願唔食。

有次在深水埗買完東西，

因家住長沙灣，所以就慢慢走走路，散散步回家。

一直經元州街向前行，

直望見到一檔位於角落頭的雞蛋仔，

它是由一間茶餐廳開出來的小檔。

佈置很簡單，二部制造雞蛋仔及一部格仔餅的鐵板，

對上有一塊格仔拱形鐵線網，用來放置雞蛋仔。

爐具下面是四個膠箱，是用來放置格仔餅的“佐料”，

分別是牛油，花生醬，煉奶和沙糖，

最後還有一個小釣掛著啡色的雞皮紙袋。

就是這麼簡單，極不起眼，

平時行過也沒有留意到，

因為這次是在晚上走過，

這個小檔被很多燈膽“射住”才留意到。

  

叫了一底格仔餅，

剛好店員正在制造一底，

一會兒便出爐了！

“多花生醬煉奶丫唔該～”

店員純熟地一手拿起格仔餅，

一把小刀經過四個膠盒最後再放入雞皮紙袋，

“八蚊丫～”

只要八蚊JAR～以前細個都要五蚊，

加價三蚊唔算過份！

先聞一聞，有淡淡的蛋香還有爐香（熱哄哄的味道）

這張相看來是否覺得外表很脆呢？

沒錯！外皮確實是香脆，

吃下去內裡是軟軟的，綿綿的蛋糕，

夾著多花生醬多煉奶，

每一啖香甜軟綿綿，

吃到最後雞皮紙袋快要被佐料弄穿！

我不是每次經過都會買來吃，

因為每次行回家的路上，

都是吃得飽飽的，

有時會好想吃，但再也吃不下。

便可況在家附近，隨時都可以買來吃啦！

要吃好味的雞蛋仔格仔餅，

隨時在家附近都有一間在左近！

搵食：深水埗元州街131﹣133號地舖（豪城茶餐廳小角落）
電話：23869782