香港人愛吃貪新鮮，
什麼時候都是想著吃，
早餐諗午餐，午餐諗晚餐，
到了晚餐又會諗明天晚上吃什麼好，
連我自己都經常如是，
相約好朋友吃晚飯，便會立即諗食咩好呢？
有邊間新餐廳要去試？
有那一間食完想再食？
其實一間餐廳只要有“做出好食物”的心，
既然個頭係開得好，
只要維持提供好食物給客人，
自然有回頭客，
香港人就算幾貴都會食（包括我：P）
想說的就是香港人都好鍾意食的拉麵，
在我中學時代的世界裡只有味千拉麵和別府，
那時的別府只有一間在太子（暴露了年齡的袐密TIM：P）
我和好朋友好喜歡放學後到別府食學生餐，
四十幾蚊一個餐，好抵食，
有前菜小吃一小碟，拉麵一碗，飯後甜品雪糕一杯，
好朋友好食得辣，她說吃辣時就一直吃到底，
不要一邊喝水，一邊食碗辣麵，
這樣不單止不會解辣，
而是只會越食越辣。
現在的拉麵店越開越多，
而且很有GIMMICK，
首先很多都標榜由日本請回來的師傅主理，
第二，只有二三款選擇，又或者只有一款拉麵供應，
第三，一日限賣一百或者三百碗，
有生意唔做去玩限定，
問你死未！！
慘得過香港人就係貪過癮，
越稀有就越係去爭住試，
因為這樣就越巴閉。
女人A：“你食左味呀？豚王呀～一日限賣三百碗架JAR，我上次排左成兩個鐘呀！”
女人B：“哦，無食過喎，要排咁耐隊更係唔排啦，但我食過有間叫師穏家，好似話係豚王分拆出黎開，果日我早到，唔駛點排隊，都係日賣三百碗，果日夜晚八點半就話賣晒啦！”
無可否認人人食左出名既野都要認下叻既，
究竟係碗麵真係好食，
定係為左人人試過自己都唔蝕底既心態呢！
於是趁平日放假去找在銅鑼灣返工既朋友吃午餐，
今次目標當然是豚王啦！
11：45A。M。到達，
店子小小已經坐滿了上班族，
裡面有三張圓枱，每張枱逼逼地都可以坐到5個人，
店員都很有禮貌地詢問正在排隊的客人幾多位，
以及要客人先填問卷！
為什麼要填問卷！其實是一張要知道客人口味的點餐紙，
大至由選擇湯底開始，
再有湯的濃度，配料的多少，
义燒的肥瘦程度，
以至麵的粗幼和軟硬度都分得好仔細，
就像為自己度身訂造一款屬於自己味道的拉麵。
我今次選了黑王，朋友選了豚王，
黑王是以豬骨湯底加上墨汁，
麵上還有少量加入蒜粒和混和墨汁的肉碎，
喝一口湯，味道很濃厚而且久久不散，
果然是用了大量豬骨淆成。
而溫泉蛋亦是剛剛只有蛋白熟透，
蛋黃絕對是完全未熟的流心蛋。
果然有技巧兼用心制成喔！！！
而溫泉蛋亦是剛剛只有蛋白熟透，
蛋黃絕對是完全未熟的流心蛋。
果然有技巧兼用心制成喔！！！
P。S。填問卷這個環節我好喜歡，
因為不喜歡的葱花亦可以填上：“無”，
少了走青環節“一碗豬骨拉麵走青丫唔該！”咁肉酸麻!
搵食：銅鑼灣登龍街40號地下
電話：28933190
搵食：銅鑼灣登龍街40號地下
電話：28933190
